Önnur málstofa ELRC á Íslandi

Önnur málstofa ELRC á Íslandi

 

Hvenær:

28 September 2018

Hvar:

Veröld – húsi Vigdísar, Háskóli Íslands, Brynjólfsgata 1, Reykjavík

Skipuleggjendur:

•    The European Language Resource Coordination (ELRC) consortium
•    
Stofnun Vigdísar Finnbogadóttur í erlendum tungumálum.

Ísland er þátttakandi í evrópsku samstarfi um málföng - European Language Resource Coordination, ELRC. 

Í fyrra var lögð fram metnaðarfull verkáætlun til fimm ára um íslenska máltækni, og ríkisstjórnin ákvað í lok síðasta árs að hrinda henni í framkvæmd. Samið hefur verið við sjálfseignarstofnunina Almannaróm að verða miðstöð íslenskrar máltækni og hafa umsjón með framkvæmd áætlunarinnar. Meðal annars stendur til að gera átak á sviði vélrænna þýðinga og þar mun samstarf við ELRC skipta máli. ELRC hvetur ykkur til að íhuga hversu mikið þið þarfnist fjöltyngdrar, opinberrar stafrænnar þjónustu og til að nýta sem best ónotuð en engu að síður verðmæt málföng sem þær opinberu stofnanir sem þið starfið við hafa byggt upp og safnað.

Með þessari málstofu um máltækniáætlun ríkisstjórnarinnar og vélrænar þýðingar er ætlunin að vekja athygli á verkefninu meðal aðila sem sinna þjónustu við almenning og fyrirtæki en ljóst er að vélrænar þýðingar sem byggjast á gagnagrunnum eru til þess fallnar að auka og bæta aðgengi almennings og fyrirtækja að stjórnsýslu og auðvelda samskipti við stjórnvöld þvert á tungumál. Þetta er mikilvægt í samfélagi þar sem er vaxandi þörf fyrir að geta sinnt öðrum en þeim sem eiga íslensku að móðurmáli.

Sérfræðingur frá framkvæmdastjórn Evrópusambandsins, fulltrúar íslenskrar stjórnsýslu, auk sérfræðinga í máltækni og þýðingum, munu koma saman til að miðla reynslu sinni og ræða þörfina fyrir nútímalega stjórnsýslu sem þjónað getur einstaklingum á mörgum tungumálum.

Síðast en ekki síst, verður reynt að auðkenna gagnagrunna sem nýst gætu til vélrænna þýðinga og leitað leiða til aðlögunar íslensku að CEF eTranslation og hagnýtingar slíkrar tækni innan íslenskrar stjórnsýslu og lagaumhverfis.

Til að ná þessum markmiðum er þitt framlag mikilvægt og því óskum við eftir þátttöku þinni á ELRC vinnustofunni. Vinnustofan er haldin þátttakendum að kostnaðarlausu, en skráning er nauðsynleg. Vinsamlegast skráið ykkur hér.

Dagskrá

Skráning